पाऊस आला वारा आला | Paus Aala Vara Aala Lyrics in Marathi Balgeet – Sushma Shrestha Lyrics

Paus Aala Vara Aala Lyrics in Marathi

पाऊस आला वारा आला
पान लागले नाचू
थेंब टपोरे गोरे गोरे
भरभर गारा वेचू !

गरगर गिरकी घेते झाड
धडधड वाजे दार कवाड
अंगणातही बघता बघता
पाणी लागे साचू !

अंगे झाली ओलीचिंब
झुलू लागला दारी लिंब
ओली नक्षी पाऊसपक्षी
कुणी पाहतो वाचू !

ओसरुनी सर गेली रे
उन्हे ढगांतुन आली रे
इंद्रधनुष्यामध्ये झळकती
हिरे माणके पाचू !

Leave a comment

Your email address will not be published. Required fields are marked *