उनाड पाऊस, अशांत पाऊस, अधीर भिरभिणारा पाऊस
निरोप घेऊन आभाळाचा भटके हा बंजारा पाऊस

हाक तृषेची येता कानी मातीची ऐकून विराणी
मेघांच्या कुंभातुन बरसे अमृतमय जलधारा पाऊस

प्राण नवे झाडांना देई, गीत नवे पक्षांना देई
बैरागी रानातुन फिरवी शांत-शीतल वारा पाऊस

पहाड राने, नदी सरोवर, ऊरा-उरी भेटून सार्‍यांना
एकेकाला लावून जाई सृजनाचा भंडारा पाऊस

Unaad paaus, ashaant paaus, adhir bhirabhinaara paaus
Nirop gheun abhaalaacha bhatake ha bnjaara paaus

Haak trishechi yeta kaani maatichi aikun wiraani
Meghaanchya kunbhaatun barase amritamay jaladhaara paaus

Praan nawe jhaadaanna dei, git nawe pakshaanna dei
Bairaagi raanaatun firawi shaant-shital waara paaus

Pahaad raane, nadi sarowar, ura-uri bhetun saar‍ayaanna
Ekekaala laawun jaai srijanaacha bhndaara paaus