येणे जाणे का हो सोडले, तोडले नाते 
पाहिल्यावाणी येत जा सख्या, शपथ घालते 

सासरच्या घरी तुम्हास नसे अटकाव
लागु नाही दिला कोणा मी मनाचा ठाव 
मानिती मला मामंजी, मानतो गाव 
चालते खालती बघुन जपून बोलते 

नऊवार नेसते निसून अंगभर चोळी
तुळशीस घालते पाणी उठून येरवाळी 
तुकोबाची गाथा वाचते फावल्या वेळी 
रात्रीस होई उलघाल, आसू ढाळते 

ध्यानात पुन्यांदा येतो परताचा सोपा 
माहेरच्या मळ्यातील सांज हळदीचा वाफा 
ओसाड जुने देऊळ, पांढरा चाफा 
तुझ्यापाशी आज जिवलगा उघड बोलते

Yene jaane ka ho sodale, todale naate 
Paahilyaawaani yet ja sakhya, shapath ghaalate 

Saasarachya ghari tumhaas nase atakaaw
Laagu naahi dila kona mi manaacha thhaaw 
Maaniti mala maamnji, maanato gaaw 
Chaalate khaalati baghun japun bolate 

Nuwaar nesate nisun angabhar choli
Tulashis ghaalate paani uthhun yerawaali 
Tukobaachi gaatha waachate faawalya weli 
Raatris hoi ulaghaal, asu dhaalate 

Dhyaanaat punyaanda yeto parataacha sopa 
Maaherachya malyaatil saanj haladicha waafa 
Osaad june deul, paandhara chaafa 
Tujhyaapaashi aj jiwalaga ughad bolate