Sarayu Tiravari Ayodhya Manunirmit Nagri / सरयू तीरावरी अयोध्या मनुनिर्मित नगरी Lyrics in Marathi

सरयू तीरावरी अयोध्या मनुनिर्मित नगरी

त्या नगरीच्या विशालतेवर
उभ्या राहिल्या वास्तू सुंदर
मधुन वाहती मार्ग समांतर
रथ, वाजी, गज, पथिक चालती, नटुनी त्यांच्यावरी

घराघरावर रत्‍नतोरणे
अवती भवती रम्य उपवने
त्यांत रंगती नृत्य गायने
मृदंग वीणा नित्य नादती, अलका नगरीपरी

स्त्रिया पतिव्रता, पुरुषही धार्मिक
पुत्र उपजती निजकुल दीपक
नृशंस ना कुणी, कुणी ना नास्तिक
अतृप्‍तीचा कुठे न वावर, नगरी, घरी, अंतरी

इक्ष्वाकू-कुल कीर्ती भूषण
राजा दशरथ धर्मपरायण
त्या नगरीचे करीतो रक्षण
गृही चंद्रसा, नगरी इंद्रसा, सूर्य जसा संगरी

दशरथास त्या तिघी भार्या
सुवंशजा त्या सुमुखी आर्या
सिद्ध पतीच्या सेवाकार्या
बहुश्रुता त्या रूपशालिनी, अतुलप्रभा सुंदरी

तिघी स्त्रियांच्या प्रीतसंगमी
तिन्ही लोकीचे सुख ये धामी
एक उणे पण गृहस्थाश्रमी
पुत्रोदय पण अजुनी नव्हता, प्रीतीच्या अंबरी

शल्य एक ते कौसल्येसी
दिसे सुमित्रा सदा उदासी
कैक कैकयी करी नवसासी
दशरथासही व्यथा एक ती, छळीते अभ्यंतरी

राजसौख्य ते सौख्य जनांचे
एकच चिंतन लक्ष मनांचे
काय काज या सौख्य धनाचे
कल्पतरूला फूल नसे का? वसंत सरला तरी

 

Sarayu Tiravari Ayodhya Manunirmit Nagri Lyrics

Sarayu tiraawari ayodhya manunirmit nagari

Tya nagarichya wishaalatewar
Ubhya raahilya waastu sundar
Madhun waahati maarg samaantar
Rath, waaji, gaj, pathik chaalati, natuni tyaanchyaawari

Gharaagharaawar rat‍anatorane
Awati bhawati ramy upawane
Tyaant rngati nrity gaayane
Mridng wina nity naadati, alaka nagaripari

Striya patiwrata, purushahi dhaarmik
Putr upajati nijakul dipak
Nrishns na kuni, kuni na naastik
Atrip‍aticha kuthhe n waawar, nagari, ghari, antari

Ikshwaaku-kul kirti bhushan
Raaja dasharath dharmaparaayan
Tya nagariche karito rakshan
Grihi chndrasa, nagari indrasa, sury jasa sngari

Dasharathaas tya tighi bhaarya
Suwnshaja tya sumukhi arya
Siddh patichya sewaakaarya
Bahushruta tya rupashaalini, atulaprabha sundari

Tighi striyaanchya pritasngami
Tinhi lokiche sukh ye dhaami
Ek une pan grihasthaashrami
Putroday pan ajuni nawhata, pritichya anbari

Shaly ek te kausalyesi
Dise sumitra sada udaasi
Kaik kaikayi kari nawasaasi
Dasharathaasahi wyatha ek ti, chhalite abhyntari

Raajasaukhy te saukhy janaanche
Ekach chintan laksh manaanche
Kaay kaaj ya saukhy dhanaache
Kalpatarula ful nase ka? wasnt sarala tari

Leave a comment

Your email address will not be published.