जातां पंढरीस सुख वाटे श्री Sena Maharaj अभंगवाणी Lyrics in Marathi

जातां पंढरीस सुख वाटे श्री Sena Maharaj अभंगवाणी Lyrics in Marathi

जातां पंढरीस सुख वाटे जीवा ।
आनंदे केशवा भेटतांचि ॥१॥

या सुखाची उपमा नाहीं त्रिभुवनीं ।
पाहिली शोधोनी अवघी तीर्थे ॥२॥

ऐसा नामघोष ऐसे पताकांचे भार ।
ऐसे वैष्णव दिगंबर दावा कोठें ॥३॥

ऐसी चंद्रभागा ऐसा पुंडलिक ।
ऐसा वेणुनादीं कान्हा दावा ॥४॥

ऐसा विटेवरी उभा कटेवरी कर ।
ऐसें पाहतां निर्धार नाही कोठें ॥५॥

सेना ह्मणे खूण सांगितली संती ।
या परती विश्रांती न मिळे जीवा ॥६॥

Leave a comment

Your email address will not be published. Required fields are marked *