उभा कसा राहीला विटेवरी मराठी अभंग – Ubha Kasa Rahila Vitewari Marathi Abhang Lyrics

उभा कसा राहीला विटेवरी मराठी अभंग – Ubha Kasa Rahila Vitewari Marathi Abhang Lyrics

विठ्ठल विठ्ठल म्हणतील सगळे….
विठूराय कितीसे दूर….
इमानदारांच्या समीप अन्…..
बैमानापासून दूर….

पंढरीचा विठ्ठल कूणी पाहीला…..(2)
उभा कसा राहीला विटेवरी…..(3)…..||धृ.||

अंगी शोभे पितांबर पिवळा….
गळ्यामध्ये वैजयंती माळा…..
चंदनाचा टिळा माथी शोभला….(2)
उभा कसा राहीला विटेवरी…..(3)……||1||

चला चला पंढरीला जाऊ….
डोळे भरूनी विठू माऊलीला पाहू….
भक्ती मार्ग आम्हाला त्याने दाविला…..(2)
उभा कसा राहीला विटेवरी…..(3)…..||2||

ठेवूनिया दोन्ही करकटी….
उभा हा मुकूंद वाळवंटी…..
हरिनामाचा झेंडा तिथे रोविला…..(2)
उभा कसा राहीला विटेवरी…..(3)…..||3||

बाळ श्रावण प्रार्थी आता….
नका दूर लोटू पंढरीनाथा….
तव चरणी हा देह सारा वाहिला….(2)
उभा कसा राहीला विटेवरी…..(3)…..||4||

पंढरीचा विठ्ठल कूणी पाहीला…..(2)
उभा कसा राहीला विटेवरी…..(3)

Leave a comment

Your email address will not be published. Required fields are marked *